Өнөөдөр Олон улсын Охидын эрхийг хамгаалах өдөр.
Нэгдсэн Үндэсний байгууллагаас энэхүү өдрийг "Охидын өдөр" хэмээн тунхагласны дагуу 2012 оноос хойш жил бүрийн 10 сарын 11-ний өдрийг охидод тулгамдаж буй асуудлыг хэлэлцэх, хэрхэн тэдгээр асуудлыг шийдвэрлэх арга зам, ажлуудын тухай ярилцаж, тэмдэглэн өнгөрүүлдэг байна.
Дэлхий даяар охидын эрүүл мэнд, боловсрол, хүчирхийлэл, насанд хүрээгүй охидыг хүчээр гэрлүүлэх асуудал, жендерийн эрх тэгш бус харилцаа гэх мэт маш олон асуудлууд байсаар байгаа. Хүн бүр энэхүү асуудлуудтай өөрийн чадах чинээгээрээ тэмцэж, охидыг өөрсдийнхөө эрхийн төлөө дуу хоолойгоо нэгтэхийг уриалж байна.