Монголын нэрт зохиолч, сэтгүүлч, орчуулагч, кино болон дуурийн сан баяжуулагч Ж.Лхагва 1942.03.18-ны өдөр Дорноговь аймгийн Хөвсгөл сумын нутаг "Мөнхийн дунд" бууцнаа мэндэлжээ.1951-1958 онд Хөвсгөл сумын дунд сургууль, 1958-1961 онд Дорноговь аймгийн төвийн 10 жилийн сургууль, Украйны Киев хотын Политехникийн дээд сургууль, Намын дээд сургуулийг удирдах ажилтны мэргэжил дээшлүүлэх дамжаа, Москвагийн Горькийн нэрэмжит утга зохиолын дээд сургуулийг тус тус дүүргэжээ.Түүний нөр их авьяас, хөдөлмөрийг төр засгаас өндрөөр үнэлж "Хөдөлмөрийн гавьяаны улаан тугийн одон", "Алтан гадас одон", "Улс хувьсгалын ойн хүндэт медаль", "хэвлэл мэдээллийн тэргүүний ажилтан", "Монголын зохиолчдын эвлэлийн шагнал" зэргээр шагнаж байжээ.